Pinatanidan ni Philippine National Police (PNP) Chief PGen. Jose Melencio Nartatez Jr. an bilog na pwersa kan kapulisan na imantinir an halangkaw na antas kan propesyonalismo asin magsirbing ehemplo sa publiko, kasunod kan kinaimbueltohan na kontrobersya kan sarong behikulo kan gobyerno.
An nagin direktiba kan hepe kan pambansang pulisya an huli sa paglakop kan sarong video na naglakop online kan nakalihis na semana,
Digdi, mahihiling an sarong PNP coaster na bumangga sa sarong pampasaherong bus sa laog kan eksklusibong EDSA Carousel lane sa parte kan Main Avenue sa Quezon City.
Sa saiyang nagin mensahe sa flag-raising ceremony sa Kampo Crame, diretsahang inapod ni Nartatez na bako katanggap-tanggap ang naging estado kan disiplina na ipinahiling kan pulis sa nasabing insidente.
Nilinaw kan opisyal na an mahigot na pagpapaotob kan panlaog na mandato an bako idinisenyo nganing basta na sanang magpadusa nin mga miyembro kan kapulisan.
Paliwanag kan PNP Chief, parte an disiplina kan mas mahewas na proseso nganing maitama an salang gawi kan mga persoanhes asin magtao nin tamang giya.
Tinawan-doon niya na an lakdang na ini an importante nganing maprotehiran asin mamantinir an dangal siring man an integridad kan mga tagapagpaotob kan ley, na piglalaomang mangengenot sa pagsunod sa mga nag-iiral na regulasyon asin batas trapiko
