LEGAZPI CITY-Pigsierto kan Philippine National Police (PNP) na saindang hihigotan an pagtatao nin seguridad sa mga eskwelahan sa nacion.
Kasunod ini kan nabanggit ni President Ferdinand Marcos Jr sa ika-limang State of the Nation Address kun saan nagpromesa ini na dagdagan an pagtatao nin seguridad sa mga eskwelahan sa nacion.
Sinabi ni PCol. Allen Rae Co, an hepe kan Public Information Office kan PNP, na nagpapasalamat sinda huli sa pagbisto kan Presidente sa isinagibo nindang pagbabantay sa mga eskwelahan ngani maprotehiran an mga estudyante.
Marurumduman na sa SONA kan Presidente, nabanggit na igwang mahigot na koneksyon an PNP asin Department of Education (DepEd) ngani higotan an pagtatao nin seguridad sa eskwelahan asin ibitaran an anumang kriminalidad na nangyayari digdi kun sain imbuelto mismo an mga estudyante.
