Maatendir si President Ferdinand Marcos Jr asin First Lady Liza Marcos sa lubong ni Pope Francis sa maabot na Sabado sa Vatican.
Ini an kinumpirma ni Palace Press Officer USec. Claire Castro.
Segun kay Castro nagpahayag an Presidente na siya maatendir kaiba an saiyang esposa.
Dae man sinabi ni Castro kun nuarin mabyahe si PBBM pasiring sa Vatican.
Enot nang ipighayag kan presidente na the best pope in his time si Pope Francis.
Kasaro suboot an Pilipinas sa pakikidumamay sa bilog na Roman Catholic Community sa kinaban sa pagkagadan kan Santo Papa.
Segun sa Punong Ehekutibo si Pope Francis an sarong tawong may hirarom na pananampalataya asin kababaang-loob, may puso man ini na bukas sa gabos urog na sa mga nasa laylayan.
Sinabi kan Presidente na itinuro sato ni Pope Francis na an pagiging sarong maray na Kristiyano iyo an pagpapaabot nin karahayan asin pagmamakulog sa lambang saro.
An saiyang pagpapakumbaba an nagbalik sa kadaklan sa Simbahan.
Segun sa Presidente na mantang nagmomondo an gabos na Pilipino sa saiyang pamamaaram, tinatawan ta nin honra an sarong buhay na nagkawsa nin pag-laom asin nagtaong inspirasyon satuya na magkaminorootmootan siring sa pagkamoot sato ni Cristo.
