LEGAZPI CITY-Padagos an pangapudan kan mga nagpo-protesta kan “Labor Day” para sa P1,200 wage hike asin tax relief.
Segun ki Kilusang Mayo Uno Secretary General Jerome Adonis, sa intrevista kan Bombo Radyo Legazpi na pigsasagibo ninda ini ngani maaraman kan mga kababayan na bako “deserve” kan gabos an siring kaining buhay na lalong nagpapadifisil sa gabos na namamanwaan.
Tinawan doon pa niya na bako bastante an magtaram sana sa mediao magin sa ibang mga plataporma sa social media, kundi kaipuhan na magpasiring sa kalsada huli ta mas makusog na pangapudan ini.
Mientras tanto, nagkaigwa man nin untoward incident durante kan saindang rally kun sain inulangan sinda kaini, alagad ipinunto kan opisyal na saro ining kawaran nin respeto sa mga obrero.
Kasabay kaini, padagos nindang pangapudan sa administrasyong Marcos na langkawan an sahod, halion an excise tax sa produktong petrolyo, ibasura an oil deregulation law, asin ibaba an presyo kan mga barakalon.
