Inakusaran ni dating Senador Antonio Trillanes IV ang pamilya Duterte na suboot nagresibe nin milyones na piso gikan sa sarong “drug lord”.
Sa hearing kan House Committee on Justice, nagpahiling si Trillanes nin mga dokumento na nagsasabing may mga transaksiyong pinansiyal na kinaimbueltohan ni Samuel “Sammy” Uy asin pirang miyembro kan pamilya Duterte — kabale na sinda Sara Duterte, Rodrigo Duterte, Veronica “Kitty” Duterte, Honeylet Avanceña, Paolo Duterte asin Sebastian Duterte.
Sinaro-saro sa testimonya ni Trillanes kun pano binanga suboot an kabilogang P181.6 milyon na suboot ibinayad ni Uy sa manlain-laing miyembro kan pamilya Duterte puon 2011 hanggang 2013 sa paagi kan cashier’s asin personal checks.
Dugang niya, si Sammy Uy suboot an bistong political contributor ni dating Presidente Duterte asin bistong kaiba o kasosyo ni Michael Yang, na ipigdadawit sa mga kontrobersiya kan Pharmally asin Philippine Offshore Gaming Operators (POGO).
