LEGAZPI CITY-Nanindugan an International Criminal Court (ICC) sa pagigin independent kaini asin warang kinikilingan matapos apodon ni Vice President Sara Duterte na “tuta” suboot nina President Ferdinand Marcos Jr. asin dating Senador Antonio Trillanes IV.
Marurumdumang tahasang sinabi ni Duterte sa saiyang talumpati sa hampang kan saindang mga sa luwas kan ICC headquarters na, “An ICC an tuta ni Trillanes asin ni Marcos”.
Inakusaran niya an duwa na suboot nakikipagsabwatan sa ICC ngani maarestar an saiyang ama na si dating Presidente Rodrigo Duterte katakod kan “War on Drugs”.
Pinanindugan man niyang “unconstitutional” o pagbayolar sa ley an anumang imbestigasyon kan ICC sa Pilipinas.
Alagad, nanindugan man si ICC spokesperson Oriane Maillet na an tribunal, iyo an sarong international judicial institution na nagpapaotob kan mandato kaini na igwang kalayaan asin nuetral susog sa Rome Statute.
Piglinaw man kan ICC na dai sinda nagtatao nin partikular na reaksyon o personal na komento mapadapit sa tataramon asin patutsada kan Bise Presidente.
Enot nang pinalagan kan Malacañang an mga paratang ni Duterte asin inapod ining “warang basehan, warang saysay asin useless”.
Binuweltahan man ni dating Senador Trillanes an pahayag ni VP Sara asin sinabing bako tuta kan sisay man an international tribunal.
Marurumduman na saro si Trillanes sa mga nagsangat kan communication sa ICC kan 2017 na obhetong imbestigar an rinibong nagadan huli sa suboot war on drugs campaign kan dating Presidente.
