Inapod kan kampo ni Vice President Sara Duterte na paulit-ulit asin warang bagong laman suboot an mga alegasyong ibinabato ni dating Senador Antonio Trillanes IV laban sa pamilya Duterte.
Segun ki OVP spokesperson Atty Paolo Panelo, kabilang sa mga suboot alegasyon ni Trillanes an kaugnayan sa ilegal na droga, dae maipaliwanag na yaman asin relasyon sa China.
Pigdoon ni Panelo na pirang beses na suboopt nabigo ang mga naturang pahayag na mapatunayan.
Sinabi man ni Panelo na mawot kutang kasuhan ni VP Sara si Trillanes, alagad may mga taong nagluluwas kan alegasyon laban sa bise presidente asin sa saiyang pamilya na padagos suboot na sinusuportahan kan administrasyon.
Kabale digdi sinda Ramil Madriaga at Rodulfo Gracioso Jr., na kapwa pinahimutikan ni Duterte na may kaugnayan saiya.
Mientrastanto, liwat na pigdoon ni Trillanes sa kanyang press conference ang mga alegasyon mapadapit sa suboot pagresibe ninda VP Sara asin kan saiyang agom na Mans Carpio nin milyones na remittance hale sa China.
Nagbato man siya nin alegasyon mapadapit sa suboot payoff sa pamilya Duterte hale sa negosyanteng si Sammy Uy.
Dae na idinagos kan prosecution ang paghampang ni Trillanes bilang testigo sa impeachment trial ni VP Sara.
Segun ki Panelo, patunay suboot ini na dae na kayang hampangon sa legal na proseso ang mga alegasyon kan dating senador, mantang sinabi man kan kampo ni VP Sara na hahampangon kaini an mga orolay sa impeachment court asin pabayaang magtaram an ebidensya.
Wara pang simbag si Trillanes sa mga pahayag ni Panelo.
