Nakahanda si dating Congressman Mike Defensor na hampangon an qualified human trafficking charges na isinunad kan National Bureau of Investigation (NBI) laban saiya.
An kaso an nagpuon sa sinakyada na KTV bar asin sarong hotel na suboot ginamit para sa human trafficking.
Alagad ipigdoon kan dating mambabatas na warang matibay na ebidensya na siya an nagmamay-ari kan edificio kun sain ang ni-raid na bar asin hotel.
Tinawan-doon man ni Defensor na an warang piyansang human trafficking na inaakusar saiya ni NBI Director Melvin Matibag an punterya sana na mapakulong siya asin mapatahimik bilang handler kan 18 dating bodyguards ni dating Ako Bicol Party-list Representative Zaldy Co.
Kan Biyernes, nagpasiring si Defensor sa Department of Justice (DOJ) nganing magsunad nin rejoinder para sa reklamong cyberlibel na isinunad laban saiya ni dating Senador Antonio Trillanes IV.
Mientrastanto, sinabi man ni Defensor na makikisumaro siya sa anti-corruption rally na gigibohon sa manlaen-laeng religious groups sa EDSA People Power Monument sa Domingo.
