LEGAZPI CITY- Nagkondusir nin hiro-protesta an grupo nin mga parasisira sa hampang kan Chinese embassy sa Manila, sarong aldaw antes an pagpapaotob kan China nin fishing ban asin pagdakop sa suboot tresspasers sa West Philippine Sea.
Segun ki Pambansang Lakas ng Kilusang Mamamalakaya ng Pilipinas President Fernando Hicap na obheto kaini an padagos na pagdugon sa diretsos sa nasabing teritoryo.
Nanindugan an grupo na warang diretsos an China na magpaotob nin anuman na kasuguan o polisiya sa exclusive economic zone kan Pilipinas.
Padagos man an pangapudan kan grupo na i-demilitarize an nasabing teritoryo asin bistuhon an historical asin fishing ground ngani na maibitaran an probokasyon asin anuman na komprontasyon.
Dugang pa ni Hicap na nabibiktima an Pilipinas kan tunggalian kan duwang imperyalismong nacion partikular na an China asin kan Estados Unidos kaya mas naglalala pa an sitwasyon.
Maski pa suboot malaya na an Pilpinas kontra sa mga mananakop na dayuhan, an economic policy kan nacion an nakabase man liwat sa kamawotan kan Estados Unidos.
