Liwat na nangapudan an Malacañang ki Senator Ronald ‘Bato’ dela Rosa na kusang magsurendir asin dae maging halimbawa sa ibang mga tawo na igwang warrant of arrest na nagtatago sa mga otoridad.
Kasunod ini kan pagtagama kan Department of the Interior and Local Government (DILG) nin P50 milyong pabuya para sa ikakadakop kan senador.
Tinawan man ini kan Philippine National Police (PNP) nin sarong semanang palugit, mantang pigkokunsiderar man siyang armado asin peligroso ni Interior Secretary Jonvic Remulla.
Mas marhay suboot an boluntaryong pagsuko ngani na dae na kaipuhan na maghiro an mga pulis.
Sa ibong kaini, sinierto kan Palasyo na padagos na hahanapon kan mga otoridad si Dela Rosa kun dae ini magsunod sa pangapudan.
Tinawan duon kan Malakanyang na bilang senador asin dating hepe kan pambansang kapulisan, dapat siyang mangenot sa pagsunod sa ley.
Nahahampang si Dela Rosa sa warrant of arrest na ipinaluwas kan International Criminal Court katakod kan kampanya kontra iligal na droga ni dating Presidente Rodrigo Duterte, na presenteng nakadetine sa The Hague, Netherlands, mantang pinaghahalat an paglilitis sa kasong crimes against humanity.
