Nagkaigwa nin tensyon asin tulakan sa pag-ultanan kan mga pulis asin mga raliyista sa Liwasang Bonifacio sa Maynila kasubago, mantang nagmamartsa an mga grupo pasiring sa Philippine International Convention Center kasabay kan pagpoon kan ika-49 na ASEAN Summit.
Segun sa Philippine National Police (PNP), pigharang kan mga otoridad an martsa kan mga raliyista huli sa pinakusog na seguridad sa palibot kan venue, na nagkawsa nin pagkasuya asin pagtutulakan sa mag-ibong na lado.
Kasunod kan insidente, nangapodan an PNP sa mga raliyista na manteniron na matoninong an saindang mga demonstrasyon asin ipahiling an Filipino hospitality sa mga dayuhang delegado.
Pinagirumduman man ni National Capital Region Police Office (NCRPO) Acting Regional Director Brig. Gen. Christopher Abrahano an mga pulis na pangatamanan an human rights asin magtrabaho nin igwang propesyonalismo, ta an saindang mga aksyon sa lugar nagpapahiling kan integridad kan PNP sa hampang kan international community.
Sinabi man kan NCRPO na 100-percent ready sinda para sa seguridad kan summit, asin pinangapodan sa publiko na makikooperar sa road closures asin traffic rerouting na posibleng magkawsa nin temporaryong abala.
