LEGAZPI CITY – Binatikos kan grupong Pambansang Lakas ng Kilusang Mamamalakaya (PAMALAKAYA) an preparasyon kan gobyerno para sa 49th ASEAN Summit huli ta pigtatakloban sana suboot kaini an kahirapan sa nacion imbes na solusyunan.
Segun ki PAMALAKAYA Spokesperson Salvador France, sa intrevista kan Bombo Radyo, nagkaag nin four-meter na tarpaulin sa parte Pasay tanganing dai mahiling kan mga dayuhang bisita an mga squatters asin an lakop na kahirapan sa Pilipinas.
Segun saiya, dai man maitatago an kahirapan maski saen magduman huli ta padagos na nagtitios an mga Pilipino mantang naka-red carpet suboot an mga bisita sa Philippine International Convention Center (PICC) asin iba pang lugar.
Pigdoon niya na 55 porsyento kan mga Pilipino an dai nakakakakan nin normal sa sarong aldaw, mantang an yaman kan bansa napapakinabangan sana suboot kan mga politiko.
Dagdag pa niya, apektado man an kabuhayan kan mga parasira asin paratinda huli ta pigsasarado an saindang pwesto sa gilid kan tinampo para sa preparasyon.
Kaya nangapodan an grupo na imbes na pagtaguon an kahirapan, dapat atubangon ini asin dangugon an boses kan mga Pilipino sa panahon kan summit.
