LEGAZPI CITY-Magsasagibo nin Pre-SONA protest an mga parasisira, paraooma iba pang mga progresibong grupo sa maabot na Hulyo 27 bilang tanda kan State of the Nation Address (SONA) ni President Ferdinand Bongbong Marcos Jr..
Segun kay PAMALAKAYA Spokesperson Salvador France, sa intrevista Bombo Radyo Legazpi na piglalaoman nindang madangog kun ano na an mga nangyayari huli gari ‘sarsuwela’ an nacion asin nauubos na an budget sa hearing, siring man an pagdadakop kuta kay Senator Bato Dela Rosa.
Pinaglalaoman man kan grupo an kataga na nabanggit ni Marcos sa saiyang enot na SONA na “Mahiya naman kayo” kun sain nilustay an milyon-milyong piso kan Pilipinas.
Mawot man ni France, na maayos an ley sa pangisdaan huli ta nahihiling nindang mas lalaogon ini kan ‘blue economy’ kun sain dai na maikokonsiderang pangisdaan halimbawa an mga bay kundi magigin eco-tourism.
Ipighalimbawa man niya an Manila bay kun sain nagigin galyon kan kalakaran asin daungan na sana.
Huli digdi, tinawan doon ni France, na wara sindang pinaglalaoman na madangog sa SONA ni PBBM kun anong programa an makakasalbar sa pagtios kan Pilipino asin bansang Pilipinas.
Dagdag pa niya na mahihiling an gabos kan polisiya na naka-direksyon sa pagigin ‘puppet’ o sunod-sunodan sa ibang nacion, kun sain haros mapulbos an kadagatan asin bahura kan kapalibutan asin nagigin imbakan an nacion kan mga kano asin ibang nacion.
Mientras tanto, kadaklan warang inusig sa ley asin nakulong mapadapit sa flood control projects, huli ta an Presidente suboot an nagsabi kaini asin aram niyang may paninimbagan siya bilang pinuno asin nagpirma suboot kan gabos na pork barrel sa kongreso.
Sa huri, ipig-duon kan opisyal na makasupog na sa ibang nacion na nakabantay sa Pilipinas, huli sa mga pigsasagibo kan gobierno, asin mahihiling ngonian kun gano katios an mga namamanwaang Pilipino.
