LEGAZPI CITY-Bagsak an itinaong grado kan sarong transport group sa ikalimang State of the Nation Address (SONA) ni President Ferdinand Marcos Jr., kun sain dai na sinda nagtaong oras pa digdi.
Segun kay LEGDAJODA President Edison Briones, sa intrevista kan Bombo Radyo Legazpi na haloy na nindang pangapudan an warang kontrol na paglobo kan presyo kan kan petrolyo na haros huli sa mga oil companies.
Agrangay man ninda na maibasura na an oil diregulation law na suboot warang pakundangan sa pagpatubo kan presyo.
Kasabay kaini, pighahagad man ninda na maamyendahan an P2 na dagdag pamasahe bilang bastante sa nagagastos ninda, na ngonian nado-doble huli sa paglangkaw kan presyo kan produktong petrolyo.
Bako man suboot bastante an ayuda sana huli ta dai man suboot 100% na nakakaabot ini sa mga driver bilang benipisyaryo.
Sa katunayan, sinabi ni Briones na 40% sana an naipapaabot sa sainda asin pighahalat pa ninda an kabanga kaini.
Tinawan doon man niya na saro ining legal na paagi ngani sana makapangurakot.
Suhestyun man niya na dapat magin transparent an gobierno sa pig-aangkat na produkto hale sa ibang nacion mapaapit sa kun pira ini, huli sa warang kontrol na pagtubo sa mga presyo kan produktong petrolyo.
