LEGAZPI CITY-Nangangapudan an sarong grupo nin mga parasisira nin asistensya asin solusyon sa gobierno huli sa presenteng kalagayan kan sektor.
Segun ki PAMALAKAYA Spokesperson Salvador France, sa intrevista kan Bombo Radyo Legazpi na sa presente makaherak na an mga parasisira huli ta dai makapagpalaot nin pirang semana dara kan matinding epekto kan Habagat sa nacion.
Nagkapira man suboot sainda an nasa kalsada na an mga bangka na piglulunadan huli sa mga pagbabaha.
Tinawan doon man kan opisyal na nakakadagit an ipinaluwas na survey ni President Marcos na suboot naguswag an kabuhayan kan mga Pilipino.
Sinabi man niyang “sobrang panlilinlang” na ini asin “niloloko” na an sambayanang Pilipino mantang nasa hagupit kan kadaifisilan kan pamumuhay ngonian.
Bako man suboot katanggap tanggap na sabihong bastante na an P97 sa tahaw kan haralangkaw na mga barakalon.
Sa presente, wara man suboot na nadadangog sa gobierno mantang igwang mga hiro protesta an mga parasisira.
Sa ibong kaini laoman ninda na magkaigwa nin panghaluyan na programa, asin tabang asistensya para sa mga haros 2.7 milyong mga Pilipinong parasisira.
