Opisyal nang pigbuksan kasuodma, Nobyembre 13, sa World Trade Center Metro Manila an International Media Center para salubungon an mga lokal asin dayuhang mamamahayag na ma-report sa 49th ASEAN Summit and Related Summits.
Itinampok sa pagbubukas an yaman kan turismo, kultura, asin sining kan Pilipinas sa paagi kan mga sadya na ipigpreparar na showcase kan nacion sa naunambitang pasilidad.
Ipigbida kan Department of Tourism an bilog na karanasan kan Pilipinas sa IMC sa paagi kan mga eksibit kan gastronomy, mga bantog na destinasyon, tradisyonal na wellness, asin lokal na sining asin craftsmanship.
Inimbitaran ni Tourism Secretary Dita Angara-Mathay an mga delegado kan media na dai sana magpokus sa mga talakayan kundi damhin man an kultura kan nacion.
Segun saiya, an IMC nagsisirbing tulay para maipaabot sa bilog na kinaban an mga importanteng isyu kan ASEAN mantang ipinapahiling an kagayunan kan Pilipinas.
Magsisirbing pangenot na pasilidad sa pagbabareta an IMC hasta sa Nobyembre 17 para sa mga akreditadong mamamahayag.
