Uminabot sa poco mas o mos 40 milyon na an nairehistrong nagdalaw sa mga sementeryo, memorial park, asin columbaria sa bilog na nacion ngonian na Undas 2026.
Basado sa datos kan Philippine National Police (PNP), uminabot sa poco mas o menos 40-milyon an bilang kan mga nagbisita sa 5,311 sementeryo sa nacion poon kan Oktubre 30 hasta kasubagong aga kaining Nobyembre 2.
Kasabay kan pagdagsa kan mga pamilya na nagdalaw sa saindang mga namaaram nang padangat sa buhay, nagtetenir an mga pulis sa mga sementeryo asin iba pang matatawong lugar tangani magtabang sa mga bisita asin imantenir an kaayusan.
Mientras tanto, nasa 6,499 na an mga ipigbabawal na gamit na nakumpiskar kan mga pulis sa bilog na nacion.
Kabale digdi an mga matatarom na armas, mga inumon na nakakabuyong, lighters, produktong sigarilyo asin vape, kagamitan sa pagluto, asin mga nasusulong materyales.
Segun kay PNP Chief Police General Jose Melencio C. Nartatez Jr., afuera sa pagbabantay sa seguridad, nakaandam man an mga pulis na umalalay sa mga pamilyang nagdadalaw sa mga sementeryo ngonian na Undas 2026.
