LEGAZPI CITY—Pigkakarkulong maabot sa P39,440 na kantidad nin pigtutubudang shabu an nakumpiskar sa duwang street level individual sa Barangay Sugcad, Polangui, Albay.
Naarestar an duwang suspetsado sa kinundusir na drug buy bust operation kan pinagsarong operatiba kan Polangui Municipal Police Station (Lead Unit), Albay Provincial Intelligence Unit (PIU) asin Philippine Drug Enforcement Agency Team Albay.
An mga naarestar na suspetsado an parehong nasa legal na edad asin parehong residente kan provincia nin Camarines Sur.
Nakumpiskar digdi an limang (5) pidasong plastic sachet na pigtutubudang shabu asin may kantidad na pocomas o menos P39, 440.
Mientrastanto, nasa kustodiya na an mga suspetsado asin an nakumpiskar na ebidensya para sa magkakanigong disposisyon.
Mahahampang an mga ini sa kasong pagbalgar sa Republic Act No. 9165, o an Comprehensive Dangerous Drugs Act of 2002.
