LEGAZPI CITY- Ipighayag kan sarong kongresista na dae siya nag-uyon sa pag-aprubar kan P6.793 trillion na 2026 national budget huli ta dae man liwat pig-eenot sa nasabing pondo an mga namamanwaan.
Segun ki Kabataan Partylist Representative Renee Co sa intrevista kan Bombo Radyo Legazpi na mas pigtatawan man liwat nin prayoridad kan nagkapirang politiko asin mga opisyales an kickbacks.
Paliwanag kan kongresista na yaon man liwat an pork barrel system.
Dugang pa kaini na garing ipig-disenyo an pambansang pondo ngani na kurakuton huli sa mga unprogrammed funds.
Inagyat ni Co an mga kapwa lehislador na kun talagang tunay an commitment, kinakaipuhan na halion na an nasabing unprogrammed funds.
Segun sa lehislador na an dakulang kantidad nin kwarta an dapat na mapapasiring sa serbisyong pang-komunidad asin edukasyon asin bako anas para sa mga infrastructure projects.
