LEGAZPI CITY-Tinawan doon ni House Committee on Justice Chairperson Gerville Luistro na an Impeachment, iyo an people’s constitutional mechanism ngani masierto an paninimbagan kan mga haralangkaw na opisyales kan gobierno.
Segun saiya, an proseso kan impeachment bako manungod sa pagkatawo kundi sa paghanap kan katotoohan.
Dagdag pa niya na katuyuhan sana kan hearing na aramon kun igwang probable cause laban ki Bise Presidente Sara Duterte, asin bako ini an pinal na hatol.
Piglalaoman man an presentasyon kan mga ebidensya hale sa Commission on Audit, National Bureau of Investigation, asin Philippine Statistics Authority, siring man an testimonya ni Ramil Madriaga.
Nanindugan si Luistro na dapat ipadagos an proseso sa ibong kan mga petisyon sa Korte Suprema kan Pilipinas, huli ta dapat nangingibabaw an paghanap kan katotoohan, giyahan kan Konstitusyon asin tiwala kan publiko.
