Paramientras na nakalaya si Dasmarinas, Cavite Representative Kiko Barzaga makalihis mag piyansa sa walong magkakasuway na kasong cyberlibel, segun sa Cavite Police Provincial Office (PPO).
Basado sa Dasmariñas Component City Police Station, nakalaya man tulos an kongresista kasubanggi makalihis an boluntaryong pagsurendir kasunod kan ipinaluwas na warrant of arrest kan Makati City Regional Trial Court.
Nagpiyansa si Barzaga nin kabilugan na P384,000 para sa walong bilang nin kasong cyber libel.
Nag-ugat an kaso kan kongresista sa saiyang online post kun sain inakusaran an negosyanteng si Enrique Razon nin panunuhol suboot sa mga kongresistang miyembro kan National Unity Party ngani na suportaran an speakership bid ni dating House Speaker Martin Romualdez sa irarom kan 20th Congress.
