LEGAZPI CITY-Bukas an Estados Unidos asin Iran sa posibilidad na maipadagos an negosasyon makalihis an saindang pag-oolay sa laog kan nagkapirang dekada na isinagibo sa Islamabad sa Pakistan, na nauli sa deadlock.
Segun sa mga report, nagabot sa labi 20 oras an orolay sa Serena Hotel sa Islamabad, na isinagibo pirang aldaw makalihis an ceasefire announcement kan Martes.
Ini an kaenot-enoting direktang pag-oolay kan mga opisyal kan Estados Unidos asin Iran sa laog kan labi sarong dekada asin pigkokonsiderang senior engagement poon pa kan Islamic Revolution taong 1979.
Susog sa mga source, diit pang magkasundo an duwang lado alagad nauli ini sa deadlock huli sa isyu sa nuclear program kan Iran, sa Strait of Hormuz, mga sanction, asin frozen Iranian assets.
Segun sa Pakistani government source na igwang paglaom sa katahawan kan orolay na magkaigwa nin magkaigwa nin trayumpo alagad biglaang nabago an negosasyon.
Kabale sa mga opisyal na nag-atendir digdi, sinda JD Vance asin Iranian Parliamentary Speaker Mohammad Baqer Qalibaf, mantang nagin tagapamagitan an Pakistani mediators sa bilog na proseso.
Nanindugan man an White House na mantenido an posisyon kan Estados Unidos, na dai dapat magkaigwa nin nuclear weapon an Iran.
