LEGAZPI CITY- Nagtetenir sa alert level 3 ang bulkang Mayon asin padagos na namo-monitor an iregularidad sa aktibidad kaini.
Basado sa monitoring kan Philippine Institute of Volcanology and Seismology na nakapagrehistro nin 83 volcanic earthquakes sa bilog na magdamlag kaibanan na an 16 volcanic tremors.
Nagkaigwa man nin 163 rockfall asin duwang pyroclastic density currents o uson.
Padagos man na nairerehistro an maluluyang strombolian activity asin panandalian na lava fountaining.
Huli digdi, pinagbabawal man liwat an paglaog sa 6km radius permanent danger zone kan bulkan.
