LEGAZPI CITY-Padagos na magsasagibo nin hiro protesta asin welga an grupong Piston sa tahaw kan rollback sa presyo kan produktong petrolyo.
Segun ki Piston President Mody Floranda, sa intrevista kan Bombo Radyo Legazpi na kasabay sinda sa magsasagibo nin protesta manlain-lain na lugar sa National Capital Region, siring man sa Bicol Region, Cebu, Laguna, Iloilo, Bacolod, Negros, Davao, asin Baguio City.
Dagdag pa niya na ilulunsar an protesta asin welga laban sa padagos na paglangkaw kan produktong petrolyo kun sain apektado an pamumuhay kan mga driver asin namamanwaan.
Sinabi pa niya na haros dai na mamatean an rollback huli ta padagos na paglangkaw kan presyo sa petrolyo na nagaabot na sa labi P100.
Isasagibo suboot ninda ini hasta sa dai naibabasura an oil deregulation law, paghale sa excise tax sa langis, asin an dai pag-rollback kan presyo kan Diesel.
Kasabay kaini, magsasagibo man nin welga an mga eskwelahan, mga pamilihan, asin manlain-lain na marcha sa mga lugar.
Piglalaoman na kadakol an makikisumaro sa hiro protesta huli sa pagbilog nin alyansa sa manlain-lain na lugar sa nacion.
