LEGAZPI CITY-Ikakasa kan grupong Manibela an nationwide transport strike poon sa aga, aldaw nin Miyerkules, Abril 15, 2026 bilang pagkondina sa maluway na aksyon kan gobierno sa tahaw kan oil crisis.
Segun ki Manibela President Mar Valbuena, sa intrevista kan Bombo Radyo Legazpi na makikisumaro bako sana an transport sector kundi magin an iba pang sektor arog kan mga paraooma, parasisira, asin mga empleyado.
Makikisumaro man an grupo ninda gikan Bicol Region sa isasagibong transport strike.
Isasagibo man ninda an programa sa sarong trike center sa Quezon City kun sain piglalaoman an dai mababa sa kabangang milyon an makikibale, kaiba an mga tracker, motorcycle riders, asin Transport Network Vehicle Service (TNVS).
Pigkondina man kan grupo an suboot maluway na aksyon kan gobierno sa tahaw kan krisis na pigkakahampang kan nacion.
Sinabi pa ni Valbuena na isasagibo ninda ini huli ta kadakol an nalulugi asin nagpundo na sa pamamasada.
Huli digdi, pangapudan niya na magkaigwa nin rollback sa presyo kan petrolyo asin naninindugan na dapat maidagos an transport strike huli ta pinapabayaan an taumbayan, bako kasya an kita, asin padifisilan an mga biyahe.
