LEGAZPI CITY-Nanindugan si Manila Rep. Bienvenido Abante na an testimonya ni Ramil Madriaga, nagpapahiling kan posibleng paglipat kan pondo kan bayan na nakalagpas suboot sa audit safeguards.
Sinabi ni Abante, dapat ining busisihon asin imbestigahan kan House Committee on Justice.
Nabanggit man ni Abante na kun tunay an mga alegasyon, pwedisir magamit an pondo kan gobierno para sa pribadong distribusyon.
Pigkwestyon man niya an suboot paggamit kan duffel bags asin “car tire key drops” sa transaksyon, siring man an marikas na paggastos kan P125 milyon kan Office of the Vice President sa laog kan 11 aldaw para sa mga “safehouse”.
Katakod kaini, sinabi pa niya na trabaho kan Kamara na hilingon kun igwang bastanteng basehan ngani ipadagos an proseso kan impeachment laban kay Vice President Sara Duterte.
Dagdag pa niya, an paghapot asin pag-isyu nin subpoena, parte kan transparency, paninimbagan, asin bako panggigipit.
