LEGAZPI CITY-Apektado ang nasa 795 pamilya o labi sa 70,000 na mga indibidwal sa provincia kan Catanduanes huli sa Bagyong Ada.
Segun kay Catanduanes Emergency Operations Chief Provincial Disaster Risk Reduction and Management Office Bobby Monterola, sa intrevista kan Bombo Radyo Legazpi, na gikan an mga apektado sa 138 na mga barangay sa saindang provincia.
Padagos man an pagmando kan saindang ahensya sa mga apektado na nasa evacuation centers.
Mantang nag-subside na suboot an pagbabaha sa parte kan Barangay Gogon, pigpapagirumduman kan opisyal an mga residente na dai makakampante huli sa dakula an diametro kan bagyong Ada.
Sa presente, nagkokolekta pa sinda nin mga datos manungod sa total kan danyos sa provincia.
Mientrastanto, pighayag man kan opisyal na an nalubog na nitso sa sarong sementeryo sa Caramoran, Catanduanes an dati nang danyos alagad lalong naapektaran huli sa bagyo.
