Inaprubahan kan administrasyon ni US President Joe Biden an duwang darakulang deal sa pagpapabakal nin armas sa Saudi Arabia asin United Arab Emirates sa pagtabang sa depensa kontra sa Iran.
Ini an sarong bulan makalihis kan pagbisita ni Biden sa Middle East.
Labi sa $5 billion para sa missile defense an inaprubahan kaibanan na an $3 billion sa Patriot missiles para sa Saudi Arabia na makakatabang bilang proteksyon sa rocket attacks sa Houthis, asin $2.2 billion sa high-altitude missile defense para sa UAE.
Magigirumduman na nagin target nin mga rocket attacks kan Houthi rebel movement sa Yemen na pigsusuportaran kan Iran an duwang nasyon.
Alagad enot man na nanindogan si Biden na puputulon an pagpapabakal kan armas sa Saudi Arabia asin UAE huli sa mga lakdang sa Yemen.
Pig-aanticiparan na an kwestiyon na masabat sa lakdang hali sa mga lehislador na nagsuporta sa desisyon ni Biden kaito sa pagputol kan pagpapabakal nin armas sa mga nasabing nasyon.
