LEGAZPI CITY-Dai na haros makaturog nin maayos an mga Pilipino sa Israel huli sa padagos na airstrikes sa pagultanan kan Israel asin Iran.
Segun kay Bombo International Correspondent in Israel Shay Kabayan, sa intrevista kan Bombo Radyo Legazpi na madadangog an alarm sa lugar minu-minuto o sarong oras an nakakalihis enkaso igwang mga pag-atake.
Pirmihan suboot ining nangyayari alagad nasa maayos man sindang kalagayan huli ta dai man sinda pigpapabayaan asin mahigot an suporta kan Israel sa depensa.
Pareho man liwat suboot an sitwasyon kun sain padagos an mga pag-atake mantang sinda nakatago sa saindang mga bombo shelter enkaso igwang red alert.
Sinabi pa niya na nakakabigla ini para sa sainda huli ta apektado gabos na mga sibilyan asin warang pigpipiling lugar an mga pag-atake.
Enkaso man na warang pag-atake, malaya man suboot na nakakaluwas an nagkapira sa sainda ngani magbakal nin pagkakan alagad kinakaipuhan na mag-ingat huli ta anumang oras nadadangog an mga alarm na senyales kan mga pag-atake sa Israel.
