LEGAZPI CITY-Pinahimutikan kan Iranian Oil Terminals Company an mga report kasunod kan suboot oil leak harani sa Kharg Island, saro sa pangenot na oil export hubs kan Iran sa Persian Gulf.
Nagluwas an mga report makalihis magpahiling suboot an satellite imagery nin dakulang oil slick sa kadagatang nasa kanluran kan Isla kan nakalihis na mga aldaw.
Segun sa chief executive kan kumpanya, nagsagibo sinda nin mabusising inspeksyon sa mga storage tanks, pipelines, loading facilities, asin mga tanker sa lugar alagad wara sindang nahiling na anumang senyales nin tagas kan langis.
Sinabi man kan opisyal na wara man nin nairehistrong oil leakage an Marine Emergency Mutual Aid Center o MEMAC, sarong regional marine pollution monitoring body.
Dagdag pa kaini, nagsagibo suboot an mga Iranian teams nin dugang na field inspections asin laboratory testing makalihis magkalat an mga report, alagad wara sindang natukoy na anumang bakas kan oil spill.
