LEGAZPI CITY – Sarabay na winasak an mga gamit asin ekipahes sa paggibo nin iligal na droga na nadiskubre sa sarong shabu laboratory sa Barangay Palta Small, Virac, Catanduanes.
Saru-sarong pinagpupokpok, pinasa asin sinulo kan mga personahes kan Philippine Drug Enforcement Agency, Department of Justice asin Philippine National Police an mga ekipahes.
Presente man sa aktibidad sinda Philippine Drug Enforcement Agency Regional Director Edgar Jubay, Justice Assistant Secretary Ely Cruz asin Police Regional Office 5 Regional Director Andre Dizon.
Parte ini kan nagpapadagos na mahigot na kampanya kan gobyerno kontra sa iligal na droga.
Naglalaom an mga ahensya kan gobyerno na magsisirbi ining leksyon sa mga imbwelto sa kalakaran nin pinagbabawal na bulong ngani na magpundo na sa saindang iligal na aktibidad.
