LEGAZPI CITY- Nagin normal asin matrangkilo an enot na aldaw kan pagbabalik kan klase sa bilog na provincia kan Albay kasunod kan school break huli sa holiday season.
Napag-araman na igwa man na nagkapirang mga estudyante an dae man nakahabol sa pagbabalik sa klase huli sa nagkapirang personal na rason.
Segun ki Albay Schools Division spokesperson Froilan Tena sa intrevista kan Bombo Radyo Legazpi na solamenteng an banwaan kan Sto. Domingo sana an nagpaotob kan suspensyon kan face-to-face classes.
Pig-aram man suboot kun ano an lokal na pangyayari sa banwaan ngani na ma-justify an nasabing suspensyon.
Aminado kaya an opisyal na kinakaipuhan na mahabol kan mga estudyante an learning losses siring man an mga aldaw na nagpaotob nin suspensyon sa provincia huli sa nag-aging mga raot nin panahon.
