LEGAZPI CITY – Laoman na an mauran na weekend sa Bicol susog sa abiso kan PAGASA.
Causa ini kan Inter-Tropical Convergent Zone (ITCZ) asin trough kan Low Pressure Area (LPA) na nasa parte kan Mindanao.
Segun ki PAGASA Weather Forecaster Melvin Almojuela sa intrevista kan Bombo Radyo Legazpi, extension kan LPA na magpapauran sa nagkapirang parte kan rehiyon.
Magdadadara ini nin moderato hasta sa kun minsan, makusog na pag-uran na dapat na paghandaan.
Pigpapaantabay man ni Almojuela an publiko sa mga advisory kan local disaster management councils asin weather bureau.
Inalerto magin an mga nasa risk areas sa huma kan landslides asin mga pagbaha.
Depende sa masusukol na rainfall amount, pwede man na magluwas nin color-coded rainfall advisories ang PAGASA.
