LEGAZPI CITY — Plano ngunyan kan lokal na gobyerno kan syudad kan Legazpi an pagpapalangkaw kan sweldo kan mga Public Safety Officers kasabay kan planong pagbabalik kan PSO sa syudad.
Sa intrevista kan Bombo Radyo Legazpi ki Mayor Noel Rosal, ipighayag kaini na an nasambitan na lakdang an paagi ngani na dae na maimbwelto sa ano man na iligal na aktibidad an mga ini.
Klinaro man kan alkalde na na-dissolve an PSO huli sa bako magayon na performance kan mga ini sa tinampo kun kaya sa liwat na pagbabalik kan ahensya, ipighayag kan opisyal na magigin mahigot sinda sa pagpili kan mga bagong officers ngani na mas magin magayon an pagpapadalagan sa trapiko.
Ipighayag man kan opisyal na pwede pang mag-apply an mga dating officers alagad warang kasiyertuhan na maaako an mga ini.
Tinawan duon man ni Rosal na pinaka enot na kinakaipuhan kan mga aplikante iyo an pagigin pasensyoso huli ta dae Photo pwedeng magmanehar nin trapiko an mainit an payo huli ta pigrerepresentar kan mga ini an pangaran kan syudad.
Nakatalaan man na ipaluwas an mga requirements makalihis an Semana Santa ngani na makapagpreparar na an mga interesado huli ta halabang proseso asin training suboot an aagihan kan mga ini.
