LEGAZPI CITY-Padagos an kampanya kan Legazpi City Task Force ngani ayuson asin linigon an mga ‘spaghetti wires’ sa mga kakalsadahan sa ciudad kan Legazpi.
Segun kay Legazpi City Task Force Kalinigan asin Kaayusan Head Andy Marbella sa intrevista kan Bombo Radyo Legazpi na abala sinda ngonian sa pag-ayos kan mga ini ngani tabangan an mga telcos asin pighihingoa na matanggal huli sa peligro kan aksidente.
Kadaklan sa mga naayos ninda an mga nasa laylayan kan poste asin street light na pig-aapod sa sainda.
Pigsasagibo ninda ini ngani magin malinig an kapalibutan orog na an mga linya kan kuryente sa mga lugar.
Mientras tanto, padagos man an saindang mga operasyon mapadapit sa mga illegal vendors na nakakapiot sa agihan sa ciudad asin paglinig kan mga nakaparadang behikulo sa mga tinampo.
