LEGAZPI CITY- Pinag-aantisiparan na padagos na makaka eksperyensya nin mainit na panahon an nagkapirang parte kan rehiyong Bicol hasta sa obserbasyon kan Biyernes Santo.
Segun ki Catanduanes weather specialist Jun Pantino na nagtetenir na easterlies an nakaka apektar sa nacion.
Alagad kun ikukumparar kan nakalihis na mga semana, sinabi kan opisyal na mas hibaba an temperatura na maeeksperyensyahan hasta sa weekend.
Sa ibong kaini, sinabi kan opisyal na magtetenir na huma sa salud an halangkaw na temperatura na posibleng magkawat hasta sa 39 °C.
Huli digdi, sinabi ni Pantino na an nasabing heat index an posible man liwat na magdara nin peligro urog na sa mga personang may mga kamatean.
Nagpagirumdom man an opisyal sa publiko na ugalion na magdara nin tubig asin panangga sa init kan saldang urog na kun mapartisipar sa mga religious activities ngunyan na Semana Santa.
