Nakatalaang magbalik sa nacion an English singer-songwriter asin dating miyembro kan One Direction na si Louis Tomlinson ngunyan na Oktubre 17 sa Araneta Coliseum sa Quezon City para sa saiyang How Did We Get Here? World Tour.
Parte an concierto kan world tour ni Tomlinson bilang suporta sa saiyang ikatulong solo album na “How Did I Get Here?”, na iniluwas kan enot na parte kan presenteng taon.
Ini an panduwang beses na matanghal an singer sa nacion bilang sarong soloist makalihis an saiyang concierto kan 2022 durante kan Louis Tomlinson World Tour.
An 34-anyos na si Tomlinson an nagin famuso sa bilog na kinaban bilang miyembro kan pop group na One Direction antes nagpuon kan solo career. Poon kaito an nakapagluwas na siya nin tulong studio album — “Walls” (2020), “Faith in the Future” (2022) asin an “How Did I Get Here?” ngunyan na taon.
