LEGAZPI CITY-Masangat nin sarong sarong resolusyon ngonian na aldaw an Liberal Party Congressman man kairiba an Makabayan Bloc asin Akbayan Partylist nin sarong resolusyon ngonian na aldaw para sa pagbilog nin independent body na maimbestiga sa flood control allegations.
Segun Albay 1st District Representative Congresswoman Krisel Lagman Luistro, sa intrevista kan Bombo Radyo Legazpi, na magsasangat sinda nin sarong resolusyon na magseserbing independent commission na maimbestiga sa flood control anomaly asin iba pang mga infrastructure projects.
An magigin myembro kaini, an bako an mag nailihir na opisyales, bako mga opisyales kan anuman na ahensya alagad sarong independent commission na marekomenda nin pagsangat nin kaso asin magsasagibo nin propwesto na pagbabago sa sistema ngani maibitaran an mga kurap na politicians.
Sinabi pa kan representative na kun maamyendahan ini, an mga magigin miyembro iyo an sarong supreme court justice, sarong certified public accountant, licensed engineer, academian na igwang background sa public finance, econimics o magin sa business sector asin civil society na magigin bukas suboot para sa publiko.
Huli digdi an magkakaigwa suboot nin kapangyarihan ngani makapagimbestiga, mag-kaigwa nin access sa gabos na record kan gobierno, makapag-isyu nin subpoena, asin makapagrerekomenda sa Department of Justice asin Ombudsman para sa mga prosecution kan mga nagbabayolar sa ley.
Tinawan doon man niya na afuera sa imbestigasyon an dapat sana igwang independent body ngani bako sana exposure sa tawo an pigsasagibo sa senado.
Mientrastanto, abiso man Cong. Krisel kay Ako Bikol Partylist Rep. Zaldy Co, na dapat maipresent niya an saiyang sadiri sa padagos na mga alegasyon huli sa importante na madangog an saiyang kampo, alagad sa presente suboot an dai siyang statement manungod sa mga nangyayari sa budget na siya mismo an principal asin dating namamayo sa bicam.
