Buminagsak an sarong Taiwanese military training aircraft durante kan simulated engine failure exercise.
Segun sa defense ministry na nagresulta an aksidente sa pagkagadan kan duwang piloto na lunad kaini.
Nag-crashed an T-34 plane sa runway sa Gangshan Air Base sa ciudad kan Kaohsiung.
Nagbilog na man nin task force an Air Force ngani na imbestigaran an rason kan nasabing aksidente.
Naaydentipikaran man an mga piloto na sinda Lieutenant Colonel Lu asin Lieutenant Colonel Guo.
Mientras tanto, nagpaabot man nin pakikidumamar si President Lai Ching-te asin inapod an mga piloto na heroe asin pinasalamatan saindang sakripisyo asin dedikasyon sa Taiwan.
