LEGAZPI CITY – Ibinida ni Legazpi City Mayor Noel Rosal na makapirang beses na sinambit ni Presidente Rodrigo Duterte an pinamamayuhang ciudad sa nakalihis na post SONA meeting.
Sa intrevista kan Bombo Radyo Legazpi ki Rosal, inomaw suboot ni Duterte na dating pamayo sa Davao City an magagayon na polisiya sa ciudad urog na sa obhetong mabawasan an problema sa trapiko.
Haloy naman suboot na ipigpapaotob sa Legazpi an clearing operations sa mga illegal vendors sa tinampo tangarig na maikaag sa tamang lugar mantang tutok man ngonian an pagpuho sa mga behikulong mahilig sa illegal parking.
Saro pa sa inomaw kan Presidente an pagigin pilot area sa Bicol kan digitized business permit and licensing sa ciudad.
Mientras tanto, liwat suboot na nag-apelar si Presidente Duterte sa mga local chief executives na magtrabaho sa kampanya kontra sa iligal na droga kasabay kan pag-isyu nin warning sa mga ini.
Tinawang-duon kan Presidente na ‘non-negotiable’ an pagkakaimbwelto kan siisay man na opisyal sa illegal drugs asin korapsyon.
