LEGAZPI CITY—Sarong lalaki an arestado makalihis na madakop na nagpapabakal kan mga hinabonan na engine transmission asin bakal na scrap sa Sitio Matungao, Barangay Tugbo, Masbate City.
Binisto an suspek na si alias “Josh”, 27-anyos, asin residente kan Sitio Himomoro, Barangay Tugbo, Masbate City.
Nakaresibe nin report an Masbate City Police Station na may sarong lalaki na suboot nanghabon nin engine transmission kan sarong 10-wheeler truck na nagkakantidad nin P30,000 asin mga bakal na scrap na may gabat na 225 kilo.
Tulos man na nagresponde an kapulisan asin naarestar an suspek na dinara na sa kustodiya para sa magkakanigong disposisyon.
