LEGAZPI CITY-Magtetenir suboot sa Ombudsman an kopya kan mga isinumiteng Statement of Assets, Liabilities and Net worth o SALN kan mga opisyales kan gobierno.
Kinumpirma ini ni Assistant Ombudsman Mico Clavano, na presenteng tagapagtaran kan Office of the Ombudsman.
Segun saiya, na magtetenir na ‘virtually forever’ an kopya kan mga nasabing dokumento na isinumiter sa saindang ofisina maski pa matapos an prescriptive period na itinalaga ninda.
Saro sa regulasyon kan Ombudsman na sa laog sana nin 20 taon ninda nasasaray an mga nareresibeng pisikal na kopya.
Sinabi ni Clavano, na basado an nasambitang 20 years prescriptive period sa RA 3019 o an Anti-Graft and Corrupt Practices Act.
Huli digdi, ipinaliwanang ni Clavano kun nata asin para sain magagamit an mas pinahalabang taon sa pagmamantenir kan mga kopya kan SALN.
Kun ikukumpara sa panahon ni Ombudsman Samuel Martires, bago si Ombudsman Jesus Remulla, an nasabing dokumento an pigraot o paggisi makalihis an sampulong taon poon kan maresibe ini kan nasabing ofisina.
Sinabi pa niya na liwat sa pwedisir ining ma-access forever virtually, dai man suboot ini nangangahulugan magagamit bilang ebidensya enkaso maglagpas na sa prescriptive period.
Magagamit sana suboot an mga isinumiter na SALN para sa patipon kan kayamanan kan sarong lingkod bayan sa pirang taon asin bilang sarong kagamitan para sa pagsasagibo nin lifestyle checking.
