Ipighayag ni Senador Jinggoy Estrada na preparado siyang hampangon an mga kasong plunder asin malversation na isusunad kan Office of the Ombudsman kontra saiya.
Segun sa senador, makikipag olay muna siya sa saiyang mga abogado ngani na pag-adalan an saiyang legal na mga lakdang.
Enot kaini, sinabi ni Ombudsman Jesus Crispin Remulla na pipirmahan niya an resolusyon para sa pagsusunad nin mga kasong plunder asin malversation kontra ki Estrada, katakod kan suboot flood control anomalies na pig-iimbestigaran kan Department of Justice (DOJ).
Kaibanan sa mga rekomendasyon kan DOJ an posibleng pagsusunad nin kaso kinda Sen. Joel Villanueva asin nagkapirang dating opisyal kan Department of Public Works and Highways (DPWH).
Sa ibong kaini, pigduon ni Estrada na padagos niyang gigibuhon an saiyang mandato sa Senado.
