LEGAZPI CITY- Pinagpaplanohan na kan nagkapirang mga konsumidores sa provincia nin Albay an pormal na pagsasangat nin kaso kontra sa maluyang serbisyo asin mga bayolasyon kan Albay Power and Energy Corporation (APEC).
Ini an makalihis na makumpirma sa isinagibong pagdangog na inatindiran kan Energy Regulatory Commission (ERC), APEC asin mga konsumidores na nagkaigwa nin pagbayolar an power distributor sa Magna Carta for Residential Electricity Consumers.
Nagsagibo kaya nin mass disconnection an APEC sa mga Barangay Bacolod kan Tabaco asin duwang barangay man hali sa Malinao kung sain nadamay asin nawaran nin suplay maging an mga tultol na nagbabayad kan saindang bills.
Sa intrevista kan Bombo Radyo Legazpi sa saro sa mga complainant na si Prof. Vergilio Perdigon, nagtitipon na sinda sa ngunyan nin ebidensya para sa pormal na pagsasangat nin kaso sa APEC.
Tinawang duon kaini na dae dapat na palampason an ginibo kan APEC na pagbayolar sa derecho kan mga konsumidores na wara nin atraso asin dae man nin arrears.
Pangapudan man ni Perdigon sa power distributor na pakarayon na an serbisyo sa provincia lalo na ngunyan namay coronavirus disease pandemic asin kaipohan maray nin suplay nin kuryente
