Nakuwa ni Karl Eldrew Yulo an bronze medal sa horizontal bar finals sa Cairo leg kan Artistic Gymnastics World Cup na nakadugang sa saiyang medal tally para sa Pilipinas.
Ini an ika-duwang bronze medal ni Yulo sa Cairo, makalihis man na makuwa an third place sa floor exercise finals kan Domingo.
Nakapuntos ini nin 13.733 sa horizontal bar, na haros dikit sana kan gold medalist na si Li Hongyan na igwang 14.400, asin Marios Georgiou na nakasungkit kan silver na igwang 13.900.
An masunod na aktibidad kan Gymnastics World Cup series an gigibuhon sa Osijek, Croatia.
