Nakatalaan na magsunad nin resolusyon si Tingog party-list Rep. Jude Acidre kaibanan an 40 iba pang miyembro kan Kamara de Representantes ngani na imbestigaran an suboot extortion incident na pigkaka imbweltuhan kan social media personality na si Franco Mabanta ki dating dating House Speaker Martin Romualdez.
Sinabi ni Acidre na an lakdang an sarong “in aid of legislation” ngani na imbestigaran an insidente na pigkakaimbweltuhan kan mga social media influencer asin online political operators.
Segun pa sa kongresista na obheto kan imbestigasyon na tukaron an mas mahewas na isyu kun kinakaipuhan ipaotob sa social media commentators an kaparehong standards of conduct na igwa an media asin journalists.
Binanggit man kaini an pangangaipo kan sarong policy framework na magtataguyod kan kalayaan sa pamamahayag.
Marurumduman na inarestar kan National Bureau of Investigation (NBI) si Mabanta asin apat pang indibidwal sa sarong entrapment operation huli sa suboot kasong robbery-extortion.
Kasunod suboot ini kan pagbalo na pangingikil nin P300 milyon hali ki Romualdez karibay kan dae pagluwas nin content na magkokonektar saiya sa isyu kan flood control.
