Naghagad nin tabang an Department of National Defense (DND) sa National Bureau of Investigation (NBI) huli sa paglakop nin mga pekeng surat na pirmado suboot ni DND Secretary Gilberto Teodoro Jr.
Segun ki DND Spokesperson Assistant Secretary Arsenio Andolong, na nakalaag sa surat an operasyon sa Ayungin Shoal asin kooperasyon kan Pilipinas asin Estados Unidos.
Dagdag pa ni Andolong na an nasabing surat an malinaw na sala asin peke.
Nagtutubod ini na sarong klase nin foreign interference asinmalign influence na obheto na rauton an mga lehitimong lakdang kan gobierno kan Pilipinas ngani na masierto an pagbabantay sa soberanya asin integridad kan nacion.
Huli digdi, ipigrani na an isyu sa NBI ngani na maimbestigaran kunsiisay an nagpapalakop kan nasabing pekeng surat.
Marurumduman na naglakop an surat na naka-address sa sarong Peter Enzminger kun sain an nangyaring Ayungin operation kan Hulyo 20 na nagresulta sa pagkairido kan mga navy personnel kan nacion an nakuwa suboot an adhikain kaini ngan na mailuwas an mararaot na pigigibo kan China siring kan bullying asin iba pa.
