LEGAZPI CITY- Ipinaliwanag kan Philippine Statistics Authority (PSA) Bicol an nagin basehan kan kontrobersyal na datos na P22 per meal na bastante na suboot para sa sarong indibidwal.
Segun ki PSA Bicol Chief statistical specialist Ray Merjilla, an nasabing computation an basado sa ‘lowest cost’ asin nakapalaman sa presyuhan nin pagkaon hali sa Food and Nutrition Research Institute.
Hiniling suboot kun anong klase nin pagkaon an bastante sa sarong indibidwal sa sarong aldaw, na magtatao man liwat nin nutrisyon.
Paliwanag kan opisyal na an computation an divided sa ‘family of five’ asin pangkabilugan na gastos sa kada pagkakan na iluluto asin bako sa karehan.
Sa ibong kaini, aminado si Merjilla na kun iisipon an dae talaga makasya sa sarong meal an P22 asin bako komportableng kalkulasyon para sa sarong tawo.
Aminado man an opisyal na magkakaigwa an sitwasyon sa kada provincia huli sa magkakaibang presyo kan pagkaon.
