LEGAZPI CITY – Padagos an pigsasagibong monitoring kan Municipal Disaster Risk Reduction and Management Office (MDRRMO) sa Guinobatan sa provincia nin Albay ngunyan na paparani na an kapaskuhan.
Segun kay Guinobatan MDRRMO head Joy Maravillas sa intrevista kan Bombo Radyo Legazpi na obheto kan saindang monitoring an nganing bantayan an posibleng huma kan lahar flow urog nang padagos na namamatean an raot nin panahon.
Nakaalerto na man sinda poon pa kan maglaog an nasyon sa amihan season asin nganing tulos na ma-aksyunan an mga huma na pwedesir makaperwisyo sa saindang banwaan.
Partikular na pigtututukan an mga high-risk sa mga urban areas, kun saen mas dakula an posibilidad nin pagbabaha asin lahar flow pag warang patod an pag-uuran.
Pigtaram pa kan opisyal na padagos man an pag-libot kan saindang mga personnel sa mga barangay nganing makatao nin impormasyon asin preparasyon sa publiko.
Alerto man suboot an saindang namamanwaan nin huli ta sinda an nagkukumpirmar sa saindang opisina kun saing lugar an dae maagihan asin kun sain an may nadistroso.
Pangapodan ni Maravillas sa publiko na magin rigmat asin magin handa lalo na ngunyan na nakabandera an lahar advisory sa mayon volcano asin mga huma kan mga kalamidad ngunyan na paparani an kapaskuhan.
