The former congressman rejected the statement of former Libon Mayor and current Albay Board Member Das Maronilla that he was not aware of the flood control projects being built in their area.

LEGAZPI CITY – Pinahimutikan kan dating kongresista an nagin pahayag ni Senator Juan Miguel “Migz” Zubiri mapadapit sa iregularidad kan mga ipigtugdok na mga flood control projects sa saiyang hometown sa Libon, Albay.


Segun ki Former Albay 3rd District Representative Didi Cabredo sa intrevista kan Bombo Radyo Legazpi asin para man sa patas na pamamahayag na sa enterong termino niya an warang nagin “ghost” flood control projects.


Sa katotohanan suboot an nagkondukta nin imbestigasyon an presenteng alkalde kan Libon na si Mayor Mac Sayson kun sain kinompirma kaini na kompletong natapos an gabos na mga proyektong ipigtugdok sa nasabing banwaan na nakabugtak sa sumbong sa pangulo website.


Paliwanag niya man na malala talaga an mga nangyayaring pagbabaha sa Libon huli ta harani an saindang lugar sa Bato Lake na nagluluwas na catch basin an lugar kan mga tubig na poon sa mga slope kan bulkang mayon poon sa banwaan kan Camalig kan kaparehong provincia asin idagdag pa an mga tubig na hale man sa provincia kan Camarines Sur.


Pigtaram pa kan dating opisyal na nagin rason kan pagkalubog sa baha kan nagkapirang omahan sa Libon kan mangrapado an Bagyong kristine an huli sa pagkaraot kan mga haraloy nang mga dike na sa pagkaka-aram niya an ipigtugdok pa kan taong 2006 sagkod 2007.


Pigpatotohanan man niya an pahayag ni Former Libon Mayor Das Maronilla na warang aram an Local Government Unit saiyang termino mapadapit sa ipigtugdok na mga flood control project huli ta an implementing agency kan proyekto iyo an Department of Public Works and Highways.


Pagdoon niya man na pigpapa-aram niya man sa mga barangay an gabos na mga proyekto na ipapatugdok sa saindang bisinidad huli ta aram dapat kan publiko kun sain napapaduman an mga buwis na pigkukuwa sainda.


Pighayag pa ni Cabredo na tingi-tingi kaya an ipig-aalokar na pondo kan gobierno sa mga proyekto na ipigpapatugdok kun kaya sagkod ngonian an nagkakaigwa nin gaps sa mga proyekto asin nasasayang sana an iba.